ShQO-da tasjolda kele jatqan kólik toǵanǵa qulap ketip, bir adam mert boldy

ÓSKEMEN. KAZINFORM — Shyǵys Qazaqstan oblysynda tasjolda kele jatqan kólik toǵanǵa qulap ketip, bir adam kóz jumdy. 

ShQO polıtsııa departamenti baspasóz qyzmetiniń málimetine súıensek, jol-kólik oqıǵasy respýblıkalyq mańyzy bar «Óskemen-Altaı-Úlken Naryn-Katonqaraǵaı-Rahman qaınarlary» tasjolynyń 93-shi shaqyrymynda bolǵan. 

«Tasjolda kele jatqan kólik toǵanǵa qulap ketken. Sonyń saldarynan jolaýshy oqıǵa ornynda kóz jumdy», — dep habarlady vedomstvo ókilderi. 

Túrli deńgeıdegi dene jaraqattaryn alǵan júrgizýshi aýrýhanaǵa jetkizilgen. Qazirgi ýaqytta ol dárigerlerdiń baqylaýynda. 

Polıtsııa qyzmetkerleri sotqa deıingi tergeý amaldaryn júrgizip jatyr.