ShQO-da tasjolda eki kólik betpe-bet soqtyǵysyp, 4 adam aýrýhanaǵa tústi
ShQO Polıtsııa departamenti baspasóz qyzmetiniń málimetine súıensek, oqıǵa «Shemonaıha-Ýst-Talovka» tasjolynyń segizinshi shaqyrymynda bolǵan.
«Lada» kóliginiń jyldamdyqty ruqsat etilgen shekten asyryp jibergen 50 jastaǵy júrgizýshisi rýldi basqara almaı qalyp, qarsy jolaqqa shyǵyp ketti. Sonyń saldarynan 57 jastaǵy azamat tizgindep kele jatqan «Chevrolet Niva» kóligimen betpe-bet soqtyǵysqan. Jol apatynan eki júrgizýshi jáne kólikterde otyrǵan 2 jolaýshy zardap shekti», - delingen aqparatta.
Qazirgi ýaqytta tórteýi de Shemonaıha aýdandyq aýrýhanasyna jatqyzyldy. Tártip saqshylary QR Qylmystyq Kodeksiniń 345-baby 1-bóligine (Abaısyzda densaýlyqqa ortasha aýyrlyqtaǵy zııan keltirýge ákep soqqan jol qozǵalysy erejelerin buzý) sáıkes sotqa deıingi tergeý amaldaryn júrgizýde.