ShQO-da tasjolda 7 júk kóliginiń dızel otyny qatyp qaldy
ÓSKEMEN. QazAqparat – Shyǵys Qazaqstan oblysynda 7 júk kóliginiń dızel otyny qatyp qaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetinshe, 4 qańtarda saǵat 02:10-da Kýrchatov qalasynda jolda qalǵan júrgizýshiler qutqarýshylardan kómek surady. Belgili bolǵandaı, «Shansıman» markaly 7 avtokóliktiń dızel otyny qatyp qalǵan. Aıta keteıik, oblysta aýa temperatýrasy 40 gradýsqa deıin tómendedi.
«Oqıǵa ornyna kelip jetken tótenshe jaǵdaılar bólimi men №15 órt sóndirý bóliminiń qyzmetkerleri 15 azamatty jylytý pýnktine jetkizdi. Sondaı-aq jergilikti atqarýshy organ ókilderi tarapynan júrgizýshilerge ystyq tamaq berildi», - dep habarlady vedomstvo ókilderi.
