ShQO-da tasyǵan ózenniń arǵy betinde qalǵan adamdar qutqaryldy
ÓSKEMEN. QazAqparat - Glýbokoe aýdanynyń Serjıha ózeninen óte almaǵan 7 adam 3 kún boıy omartada túnegen, dep habarlaıdy QazAqparat tilshisi.
Ózen sýy kóterilip, keri qaıta almaı qalǵan topty týystary izdestirgen. Bul aýmaqta uıaly baılanys bolmaǵandyqtan, jeti adam kómek suraı almaǵan. Oqıǵa ornyna joǵalǵan adamdardyń týysqandarynyń nusqaýymen TREKOL tehnıkasy arqyly jetken qutqarýshylar ózenniń arǵy betinen 7 adamdy taýyp aldy. Úsh kún boıy olar omartany panalap, qalǵan azyqtaryn únemdep paıdalanǵan.
Shyǵys óńirlik aeroutqyr apattyq qutqarý jasaǵynyń mamandary ózenniń kelesi betine arqan arqyly ótip, zardap shegýshilerdi Tarhanka aýylyna deıin jetkizip saldy. Tasyǵan ózen tutqynynda qalǵan adamdardyń eshbirine medıtsınalyq járdem qajet bolmady.
«Qutqarýshylardyń eskertýine qaramastan, adamdar úıden alystap shyǵýyn qoıar emes. Qala turǵyndary da tótenshe jaǵdaılarǵa qaramastan, shetkeri shyǵý qumar» - deıdi qutqarýshylar.
