ShQO-da tasqynnyń ekinshi tolqyny bastaldy
ÓSKEMEN. QazAqparat - Shyǵys Qazaqstannyń birneshe aýdanynda ondaǵan aýlaǵa sý kirip, adamdar qaýipsiz orynǵa kóshirildi, dep habarlaıdy QazAqparat tilshisi.
Qutqarýshylar negizgi kúshti oblys ortalyǵyna baǵyttap otyr. Óıtkeni, Óskemende kesheden beri qar sýy eldiń mazasyn alýda. Áýeli Shmelev log eldi mekeninen aqqan sý Krasın kentine jaıylyp, aýlalarǵa qaýip tóndirgen bolatyn. Tótenshe jaǵdaı mamandary jol jıegine qumqap tósep, aýlalarǵa kirgen sýdyń jolyn bógegen bolatyn. Al búgin Ahmer aýylynyń Igilik kóshesinde birneshe úıdiń aýlasyna kirgen qar sýy turǵyndardyń syrtpen baılanysyn qıyndatty. Turǵyndardyń keıbirin qutqarýshylar úıine arnaıy tehnıkamen jetkizgen. Qalanyń ózge aýdandarynda da osyǵan uqsas jaǵdaı baıqalýda. Sibir, Maldybaev jáne ıAroslavskaıa kóshelerine jaıylǵan sýdy sorǵytýǵa ondaǵan tehnıka jumyldyryldy. Shyǵys óńirlik aeroutqyr apattyq qutqarý jasaǵynyń mamandary Sibir kóshesinen 2 adamdy «Úlbi» áleýmettik ortalyǵyna jetkizgen.
Semeıde de 9 kósheni sý alyp, onyń 8-inde qazir jaǵdaı turaqtandy. Al Begalın jáne Dástenov kósheleriniń qıylysynda qarǵyn sýdyń beti qaıtpaı tur. Glýbokoe aýdanynda 5 úıge sý kirgen. Qazir atalmysh úı turǵyndary týystarynyń úıin panalaýda.
«Oblys boıynsha barlyq eldi meken turǵyndaryna eskertý paraqshalary taratylyp, qaýipsizdik erejeleri túsindirilýde. Bul sharalar 13 myń adamdy qamtydy. Óz aýlasyn ýaqytynda qardan tazartyp, aryq kózderin arshymaǵan turǵyndarǵa shara qoldana bastadyq. Polıtsııa qyzmetkerleri 23 adamǵa aýlasyn der kezinde tazalamaǵany úshin aıyppul toltyrdy», - deıdi oblystyq tótenshe jaǵdaılar departamentiniń baspasóz qyzmeti.
«Qazgıdromet» oblys aýmaǵynda kún raıynyń jylyna túsetindigin boljap otyr. Sondyqtan, tótenshe jaǵdaı mamandary turǵyndardy meılinshe saq bolyp, úılerin qaraýsyz qaldyrmaýǵa shaqyrdy. Qarǵyn sýdan zardap shekkender úshin daǵdarys ortalyǵynyń janynan «112» jáne 138» telefon jelileri jumys istep tur.
