ShQO-da tantal metaly tıimdi kádege asyrylmaq
ASTANA. QazAqparat - Shyǵys Qazaqstanda medıtsınanyń stomatologııa salasynda zor suranysqa ıe tantal metalyn kádege asyrý josparlanýda, dep habarlaıdy «QazAqparat» HAA tilshisi.
«Tantal óndirisi - keleshekte áleýetti bar baǵyttardyń biri. Sebebi, metaldyń bul túri adam aǵzasyn emdeý úshin qoldanylady. Búgingi tańda ortopedııa men medıtsınanyń ózge salasyna tantal engizilip jatyr. Buǵan qosa Shyǵys Qazaqstanda óndiriletin tantal untaqty bolyp keledi. Metalldyń bul túri medıtsına úshin basym baǵyttardyń biri», - deıdi Danıal Ahmetov OKQ-da ótken baspasóz máslıhaty barysynda.
Óńir basshysynyń aıtýyna qaraǵanda, álemde óndiriletin tantal metalynyń 27-30% Shyǵys Qazaqstanda shyǵarylady.
Aıta ketsek, tantaldy dárigerler hırýrgııalyq ımplanttardy daıyndaý kezinde stomatologııa salasynda qoldanady.
