ShQO-da tamyz aıynda jańbyr jıi jaýyp, naızaǵaı soǵady
ÓSKEMEN. KAZINFORM – Shyǵys Qazaqstanda tamyz aıyna arnalǵan aýa raıy boljamy jarııalandy.
«Qazgıdromet» RMK Shyǵys Qazaqstan oblysy boıynsha tamyz aıynyń aýa raıy boljamyn jarııalady.
Sınoptıkterdiń málimetinshe, jazdyń sońǵy aıynda óńirde aýa temperatýrasy qubylyp, jaýyn-shashyn mólsheri klımattyq normadan kóp bolady dep kútiledi. Aı boıy jańbyr men naızaǵaı jıi qaıtalanyp, tamyzdyń sońyna qaraı burshaq jaýýy yqtımal.
Birinshi onkúndikte túngi aýa temperatýrasy +14...+19 gradýstan +4...+9 gradýsqa deıin, al kúndizgi temperatýra +26...+31 gradýstan +16...+21 gradýsqa deıin tómendeıdi dep boljanyp otyr.
10–20 tamyz aralyǵynda túngi aýa temperatýrasy +4...+9 gradýstan +13...+18 gradýsqa deıin, kúndiz +16...+21 gradýstan +25...+30 gradýsqa deıin qubylady. Onkúndiktiń sońyna qaraı kún qaıta jylynýy yqtımal.
Úshinshi onkúndikte aldymen aýa temperatýrasy birshama joǵarylap, túnde +15...+20 gradýsqa, kúndiz +27...+32 gradýsqa deıin jetedi. Keıin qaıtadan qubylyp, túnde +5...+10 gradýstan +13...+18 gradýsqa deıin, kúndiz +17...+22 gradýstan +25...+30 gradýsqa deıin ózgeredi.
Eske salsaq, osyǵan deıin Almatyda jylytý maýsymy aıaqtalsa da, aýa sapasy nege jaqsarmaı turǵandyǵy jaıly jazǵanbyz.
