ShQO-da taksı júrgizýshisiniń kóligin ıemdenip ketpek bolǵandar ustaldy
ÓSKEMEN. QazAqparat - Óskemeniń irgesinde 51 jastaǵy taksı júrgizýshisin tapa-tal túste tonap ketken, dep habarlaıdy QazAqparat tilshisi.
Oqıǵa 10 qyrkúıekte boldy. Úsh jigit júrgizýshini býyndyryp, kólikten túsýin talap etedi. Kólik ıesinen qutylǵan soń tonaýshylar belgisiz baǵytta kete barǵan. «Daewoo» kóliginiń ıesi bir saǵat ótkennen keıin ǵana polıtsııaǵa habarlasýǵa múmkindik aldy. Kóp ótpeı 20, 22 jáne 23 jastaǵy úsh kúdikti qolǵa túsken.
«Jedel árekettiń arqasynda kúdiktiler ustaldy. Olardyń ústinen Qylmystyq kodekstiń 192 baby boıynsha sotqa deıingi tergeý bastaldy» - delingen oblystyq ishki ister departamenti taratqan aqparatta.
