ShQO-da taksı júrgizýshisi masań kúıde jolaýshy tasyǵan
ÓSKEMEN. QazAqparat - Shyǵys Qazaqstannyń Altaı qalasynda masań kúıde rólge otyrǵan taksı júrgizýshisi ustaldy, dep habarlaıdy QazAqparat tilshisi
Aýzyna ishimdik tıgenine qaramastan kólik aıdap, masań kúıde jolaýshy tasymaldap júrgen taksı júrgizýshisin polıtsııa qyzmetkerleri «Avtobýs» jedel-aldyn alý sharasy kezinde ustaǵan.
Altaı qalasynyń Kýrchatov kóshesinde LADA GRANTA kóligin qalalyq jol-patrýldik qyzmetkerleri toqtatady. Keıin ol kóliktiń taksı kompanııasyna tıesili ekeni anyqtalǵan. Al taksı tizginshisi saqshylardyń suraǵyna durys jaýap qata almaı, kúdikti áreketter jasaǵan. Arnaıy tekserý 27 jastaǵy taksıshiniń jeńil dárejede mas ekenin dáleldep bergen.
«Atvobýs jáne taksı júrgizýshileri 3 kúndik shara barysynda 667 ret jol erejesin buzyp, polıtsııa qyzmetkerlerine ustaldy. Onyń 67-si qorshaǵan ortany lastaý boıynsha, 103-i rólde otyryp telefonmen sóıleskeni úshin, 114-i manevrdi durys jasamaǵany úshin, 69-y jyldamdyqty arttyrǵany úshin ákimshilik jaýapqa tartyldy. Jaýapqa tartylǵan júrgizýshilerdiń 21-i avtobýs parkterinde qyzmet etedi» - deıdi oblystyq polıtsııa departamentiniń baspasóz qyzmetshisi Azamat Raısov.
