ShQO-da taǵy bir adam sýǵa ketti
ÓSKEMEN. QazAqparat - Shyǵys Qazaqstannyń Úrjar aýdanynda 41 jastaǵy er adam sýǵa ketti, dep habarlaıdy QazAqparat tilshisi.
Sasyqkólden balyq aýlaýǵa shyqqan jigit aǵasy úıine oralmaǵan soń jaqyndary dabyl qaǵypty. Shyǵys óńirlik aeroutqyr qutqarý jasaǵynyń mamandary jetkenshe marqumnyń denesin aýyldastary sýdan alyp shyqqan.
«Aldyn ala aqparattar boıynsha, marqumnyń jeke bas qaýipsizdik quraldary bolmaǵan. Bul jyl basynan beri sýǵa ketken besinshi adam», - deıdi oblystyq tótenshe jaǵdaılar departamentiniń bapasóz hatshysy Anastasııa Sklıar.
Aıta keteıik, senbi kúni ShQO-da bir jigit pen bala sýǵa ketken bolatyn.
