ShQO-da tabıǵı qoryqta 120 gektarǵa jaıylǵan órt sóndirildi
ÓSKEMEN. QazAqparat – Shyǵys Qazaqstan oblysy Kókpekti aýdanynda ornalasqan «Qulynjon» memlekettik tabıǵı qoryǵyndaǵy iri órt aýyzdyqtaldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 30 sáýir kúni «Qulynjon» memlekettik tabıǵı qoryǵynda órt shyqqan.
Shóp pen butany sharpyǵan qyzyl jalynnyń jalpy aýdany 120 gektarǵa jaıyldy. Qatty jeldiń saldarynan otty aýyzdyqtaý qıynǵa soqqan.
«Sol jerge qutqarýshylar, jergilikti atqarýshy organ ókilderi, ormanshylar tarapynan 50 adam men 9 tehnıka jumyldyryldy. 2 mamyr kúni saǵat 19.00 shamasynda órt tolyqtaı sóndirildi», - dep habarlady vedomstvo ókilderi.
Sondaı-aq Ulan aýdanyndaǵy Asýbulaq orman sharýashylyǵynda iri órt shyqqan. Oqıǵa ornynda 30 sáýirden bastap 212 adam men 32 tehnıka jumys istep jatyr.
Órttiń beti áli de qaıtpaýda. Óskemen qalasynan qosymsha 2 tikushaq tartyldy.
Esterińizge sala ketsek, osyǵan deıin ShQO-daǵy tabıǵı qoryqta órt shyqqanyn habarlaǵan edik.
