ShQO-da synyptyń tóbesindegi sylaq qulady: úsh oqýshynyń mıy shaıqalyp, biriniń qoly synǵan
ÓSKEMEN. QazAqparat - ShQO bilim basqarmasy Shemonaıha aýdanyndaǵy mektepte synyptyń tóbesindegi sylaq qulaýy saldarynan jaraqat alǵan oqýshylardyń jaǵdaıy birqalypty ekendigin habarlady. Qazirgi tańda olardyń ómirine qaýip tónip turǵan joq.
«Balalar tańǵa deıin dárigerlerdiń baqylaýynda bolady, odan soń olar úılerine jiberiledi. Al oqý basqa synypqa aýystyryldy» delingen habarlamada.
Eske sala keteıik, Shemonaıha aýdany Ýst-Talov aýyly Astafev atyndaǵy orta mektepte kúndiz synyptyń tóbesindegi sylaq qulap túsken. Oqıǵa saldarynan 3-synyptyń tórt oqýshysy zardap shekti: ekeýi - qyz bala, ekeýi - ul. Úsheýiniń mıyna zaqym kelgen, bireýiniń qoly synǵan. Oqýshylar ortalyq aýdandyq aýrýhanaǵa jatqyzyldy.
Sylaqtyń qalyńdyǵy 10 sm bolǵan. Kesek sylaqtar qulap túsken sáttegi soqqynyń kúshti bolǵandyǵy sondaı, partalardyń biriniń beti qaq bólinip túsken.
