ShQO-da sybaılas jemqorlyqtyń saldarynan memleketke 502 mln teńge zalal keltirilgen
Esep berý jıynynda ShQO boıynsha QR jemqorlyqqa qarsy kúres departamentiniń basshysy Erlan Jalmaǵambet byltyr oblys kóleminde sybaılas jemqorlyqqa qatysty 137 qylmys tirkelgenin aıtty.
Osynyń saldarynan memleketke 502 mln teńge mólsherinde zalal keltirilgen. Búginde bul qarajattyń 61% qaıtarylǵan.
«Óńirimizde turmystyq sıpattaǵy paraqorlyqtyń jolyn kesý maqsatynda «Shyǵys – adaldyq alańy» jobasy sátti júzege asýda. Investorlar men kásipkerlerdiń quqyqtaryn qorǵaý boıynsha da birqatar sharalar atqarylǵan. Bizge ótinish bildirgen bıznes ókilderiniń 90%-na kómek kórsetildi. Nátıjesinde 21 kásipkerdiń quqyǵy qorǵalyp, 16 adam jaýapqa tartylǵan», deıdi Erlan Jalmaǵambet.
Sondaı-aq «Qoǵamdyq baqylaýdyń ınteraktıvti kartasy» jobasy aıasynda 1500 memlekettik mekeme óz bıýdjetteri týraly aqparattaryn ashyq túrde ornalastyrǵan. Osynyń arqasynda azamattar ár qarajattyń naqty qandaı maqsatta jumsalǵanyn qadaǵalap otyrýǵa múmkindik aldy.