ShQO-da sybaılas jemqorlyqqa barǵan 70 sheneýnik sottaldy

ÓSKEMEN. QazAqparat – Shyǵys Qazaqstan oblysynda bir jylda sybaılas jemqorlyqqa barǵan 70 memqyzmetker sottaldy, dep habarlaıdy QazAqparat tilshisi.

ShQO soty baspasóz qyzmetiniń málimetine súıensek, byltyr sybaılas jemqorlyqqa barǵan 70 memlekettik qyzmetker sotty boldy.

Onyń ishinde ákimdikte, quqyq qorǵaý organdarynda, bilim basqarmasynda jáne basqa da salalarda jumys isteıtinder bar.

Sot sheshimi boıynsha 12 adam aıyppul tóleýge mindettelgen. Qazirgi ýaqytta 57 mıllıon teńgeden astam qarajat óndirip alyndy.

«58 adam bas bostandyǵynan aıyrý nemese shekteý túrindegi jazaǵa tartyldy. Aıyppul jazasy kúzetshilerge, túrli operatorlarǵa, veterınarlyq baqylaý mamandaryna qoldanylǵan. Óndirip alýdyń eń iri somasy 6 mıllıon teńgeni qurady», - dedi Shyǵys Qazaqstan oblystyq soty qylmystyq ister jónindegi sot alqasynyń tóraǵasy Qaırat Chakpantaev.