ShQO-da sybaılas jemqorlyq táýekelderin joıý úshin kásipkerlerge túsindirý jumysy júrgizilip jatyr
Shyǵys Qazaqstan oblystyq qoǵamdyq keńesiniń janynan kásipkerlik jáne sybaılas jemqorlyqqa qarsy is-qımyl komıteti qurylǵan bolatyn.
Atalǵan komıtet ókilderi óz quzyrettiligi sheńberinde belsendi jumys istep jatyr.
2022 jyldyń qańtar-qyrkúıek aılary aralyǵynda kásipkerlerge konsýltatıvtik-ádistemelik qoldaý kórsetý jáne kóshpeli monıtorıng reıdteri kezindegi túıtkildi máselelerdi anyqtaý aıasynda Shyǵys Qazaqstannyń 9 qalasy men aýdanyna is-sapar júrgizildi.
«Týyndaǵan túrli máselelerdi tıimdi jáne jedel sheshý úshin biz birlesken formatta jumys isteımiz. ıAǵnı zańgerler, qoǵam qaıratkerleri jáne memlekettik organdar ókilderin tartamyz. Komıtet oblystyq kásipkerlik jáne ındýstrııalyq-ınnovatsııalyq damý basqarmasymen, ádilet departamentimen, «Damý» qorymen, ekinshi deńgeıli banktermen, qala jáne aýdan ákimdikterimen tyǵyz baılanysta. Bul kóptegen máselelerdi jedel jáne jergilikti deńgeıde sheshýge múmkindik beredi», - deıdi kásipkerlik jáne sybaılas jemqorlyqqa qarsy is-qımyl komıtetiniń tóraıymy Elena Berezınskaıa-Abılova.
Naqty jáne strategııalyq mehanızm aıasynda komıtet birqatar sharany iske asyrýda. Kóshpeli reıdter barysynda 30-dan astam shaǵyn jáne orta bıznes sýbektileri qamtyldy.
Bul naýbaıhanalar, tigin tsehtary, saýda úıleri, dárihanalar, jol boıynda qyzmet kórsetetin mekemeler, dúkender, shyǵarmashylyq sheberhanalar.
Sybaılas jemqorlyq táýekelderin joıý, óndiristik protsesterdi ártaraptandyrý, jeke brend qurý jáne áleýmettik jelilerde ónim jarnamalaý arqyly marketıngtik strategııany ázirleý, bıznes-josparlardy daıyndaý boıynsha keńester berildi.
«Tıimdi dıalog alańy retinde ózekti jáne problemalyq máselelerdi sheshý úshin brainstormingi jáne koýchıng sessııalary ótkiziledi. Atalǵan kezeńde osyndaı 9 is-shara ótkizildi. Sonyń barysynda sybaılas jemqorlyq táýekelderin barynsha azaıtý úshin qoldanystaǵy bıýdjet normalaryn jáne basqa da normatıvtik quqyqtyq aktilerdiń zańnamalyq normalaryn saqtaý erejeleri túsindirildi. Qoǵamdyq qabyldaý sheńberinde turaqty negizde aıyna eki ret qabyldaý ótkizilip, kásipkerlerge konsýltatıvtik-ádistemelik qoldaý kórsetilýde. 2022 jyldyń 9 aıynda 70-ten astam kásipkerge kómek kórsetildi», - deıdi Elena Berezınskaıa-Abılova.
Sondaı-aq komıtet basshysy Qazaqstan Respýblıkasy Prezıdentiniń janyndaǵy memlekettik basqarý akademııasynyń Shyǵys Qazaqstan oblysy boıynsha fılıalynda jobalardy qorǵaý jónindegi komıssııanyń quramyna kirip otyr.
Osy arqyly jobalardy qorǵaý rásimine únemi qatysady.
2022 jyldyń tamyz aıynda ol ortalyq memlekettik organdarda basshylyq laýazymdarǵa memlekettik qyzmetshilerdi irikteý jónindegi respýblıkalyq komıssııanyń múshesi boldy.
«Jyl basynan beri qoǵamdyq baqylaý aıasynda Q.Nurǵalıev atyndaǵy kolledjben birlesip, Óskemen qalasynyń iri bólshek jáne kóterme saýda núktelerindegi áleýmettik mańyzy bar azyq-túlik taýarlarynyń baǵasyna monıtorıng júrgizilip jatyr. «Sıtı tsentr», «Dos Nar», «Tıtan», «ADK», «Danıel», «Fresh market», «Kolos», «Arzan» jáne taǵy basqa saýda nysandary tekserilgen. Monıtorıng júrgizý kezinde taýar baǵasynyń bekitilgen ústemeaqydan asyp ketý faktileri anyqtaldy. Sol kezde kásipkerlerge áleýmettik mańyzy bar taýarlar baǵasynyń ósýine jol bermeý boıynsha túsindirý jumystary júrgizildi. Komıtet Qazaqstan Respýblıkasynyń 2022-2026 jyldarǵa arnalǵan sybaılas jemqorlyqqa qarsy strategııasyn, «Sybaılas jemqorlyqqa qarsy kúres týraly» QR Zańyn iske asyrý aıasynda túsindirý jumystaryn belsendi túrde qolǵa alýda. Sybaılas jemqorlyqqa qarsy qyzmettiń jumysy týraly aqparat ta tolyq kólemde beriledi», - deıdi komıtet tóraıymy.
Onyń aıtýynsha, sybaılas jemqorlyq táýekelderi máseleleri únemi belsendi talqylanýda.
Komıtet kásipkerlerge konsýltatsııalyq, ádistemelik jáne basqa da qoldaý kórsetýdi ary qaraı jalǵastyra bermek.
