ShQO-da sybaılas jemqorlyq qylmysyn jasaǵany úshin mekteptiń burynǵy dırektory sottaldy
ASTANA. QazAqparat - Shyǵys Qazaqstan oblysynyń Glýbokoe aýdandyq soty memlekettik qyzmetter atqarýǵa ýákiletti adamnyń qyzmettik ókilettiligin nemese basqa adamdar men uıymdar úshin paıda men artyqshylyq alýǵa ne basqa adamdarǵa nemese uıymdarǵa zııan keltirý maqsatynda qyzmet múddelerine kereǵar paıdalandy dep aıyptalǵan A.Ershovaǵa qatysty qylmystyq isti qarady.
Sotta N.Ershova «Predgornensk orta mektebi - balabaqsha» memlekettik kommýnaldyq mekemesiniń dırektory qyzmetin atqaryp júrip, mektepti jylýmen qamtý boıynsha jóndeý jumystary júrgizilgeni týraly jalǵan aktige qol qoıǵandyǵy anyqtaldy. N.Ershova memlekettik qyzmetterdi atqarýǵa ókiletti tulǵalardyń teń dárejede, óziniń qyzmettik ókilettiligin paıdalana otyryp, paıda tabý maqsatynda mekteptiń esepshisine «DenMaks» JShS-niń esebine 1 000 000 teńgeni aýdarýǵa nusqaýlyq bergen. «DenMaks» JShS-niń dırektory S., kásiporyn esebine aýdarylǵan bir mıllıon teńge qarajatty ózi ıemdengen. «DenMaks» JShS kelisim-shart boıynsha jumystardy atqarmaǵan, memleketke keltirilgen shyǵyndy ótemegen.
Sot N.Ershovany QK-niń 307-babynyń birinshi bóliginde, 314-babynyń birinshi bóliginde (1997 jylǵy 16 shildedegi basylym) qarastyrylǵan qylmysty jasaǵany úshin kináli dep tanydy. Oǵan bir jyl eki aıǵa bas bostandyǵyn shekteý jazasyn taǵaıyndaýǵa úkim etti.
Úkim zańdy kúshine engen joq.
