ShQO-da suıytylǵan gaz baǵasy 6 teńgege kóterildi

ÓSKEMEN. QazAqparat – Shyǵys Qazaqstan oblysynda suıytylǵan gaz baǵasy 6 teńgege kóterildi. Bul týraly Energetıka mınıstri Almasadam Sátqalıevtiń óńir turǵyndarymen kezdesýinde aıtyldy, dep habarlaıdy QazAqparat.

Básekelestikti qorǵaý jáne damytý agenttiginiń buıryǵymen memlekettik retteý belgilendi jáne suıytylǵan gazdyń shekti bólshek saýda baǵasy bekitildi.

Atap aıtqanda, ShQO-da baǵa – 1 lıtr úshin 70-75 teńge. 1 shildeden bastap baǵalar lıtrine 6 teńgege – 76 teńge bolyp, al shalǵaı aýdandar úshin 81 teńgege deıin kóterildi.

Óńirde 3 gaz toltyrý stantsııasy jáne 84 avtogaz quıý stantsııasy bar. Oblysta suıytylǵan gazdy tutyný 2022 jyly 40 myń tonna boldy. 2023 jylǵy qańtar-maýsym aılarynda shamamen 13 myń tonna tutynyldy.

Almasadam Sátqalıev mınıstrlik uzaqmerzimdi baǵa turaqtylyǵyn jáne baǵanyń alypsatarlyq kóterilýine jol bermeýdi qamtamasyz ete otyryp, suıytylǵan munaı gazy naryǵyn reformalaý boıynsha sharalar qabyldap jatqanyn atap ótti.