09:28, 27 Tamyz 2019 | GMT +6
ShQO-da suńqar aýlamaq bolǵan brakonerler ustaldy
NUR-SULTAN. QazAqparat – Kúrshim aýdanynda zańsyz suńqar aýlamaq bolǵan brakonerler ustaldy. Bul týraly QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Facebook paraqshasynda jazdy, dep habarlaıdy QazAqparat.
«2019 jyldyń 25 tamyzynda saǵat 09.00 kezinde reıd jumystaryn júrgizý barysynda «Ohotzooprom» ÓB» RMQK-nyń Shyǵys Qazaqstan aımaqtyq fılıalynyń qyzmetkerleri Kúrshim aýdanynyń Qaljyr aýyly Búırek ýchaskesinde Mıtsýbısı Padjero markaly avtokólikti toqtatqan. Tekserý barysynda Semeı qalasynda turatyn 1968 jylǵy kólik júrgizýshisi men 1965 jylǵy taǵy bir azamattyń zańsyz suńqar aýlap júrgeni anyqtaldy», - deıdi Sáken Dildahmet.
Tekserý barysynda avtokólikten jabaıy qustardy aýlaıtyn tor, 7 kógershin men Hatsan 125 markaly qara tústi pnevmatıkalyq qarý tabylǵan.
Atalǵan materıal Kúrshim aýdanynyń polıtsııa bólimine tirkelip, QR QK 287-baby boıynsha qylmystyq is qozǵalyp otyr.
