ShQO-da sýǵa túsýge tyıym salynǵan 64 ýchaske tirkeldi
ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar óńirde tyıym salynǵan shomylý oryndarynyń tizimin belgiledi.
«Jaz shyǵyp, kúnniń jylynýymen aımaqta sý jaǵasyna baryp demalýshylar sany arta túsedi. Ótken jyly Shyǵys Qazaqstanda sýǵa shomylý maýsymynda 31 adam sýǵa batqan. Barlyq jazataıym oqıǵalar jabdyqtalmaǵan shomylý oryndarynda boldy. Qazirgi ýaqytta Shyǵys Qazaqstan oblystyq máslıhatynyń sheshimimen azamattardyń shomylýyna ruqsat etilmegen 64 ýchaske anyqtaldy», - delingen habarlamada.
Bul sý aıdyndarynda tyıym salý belgileri ornatylǵan. TJD qutqarýshylary júrgizgen kópjyldyq taldaý kórsetkendeı, mundaı qaýipti sý aıdyndarynda aǵyn óte kúshti.
Onyń túbin súńgýirler teksermegen, sondyqtan ózenderde adam densaýlyǵyna qaýip tóndiretin jáne ólimine ákeletin tastar, armatýralar jáne basqa da zattar bar.
Sondaı-aq tereńdigi tórt jáne odan birneshe metr tereń shuńqyrlar bolýy múmkin.
«Demalýshylardy qaýipsizdik maqsatynda arnaıy shomylýǵa jabdyqtalǵan oryndarǵa barýǵa shaqyramyz. Óńir boıynsha ondaı 16 jer bar. Qutqarýshylar sýǵa túsýge tyıym salynǵan ýchaskelerdi jaz boıy patrýldeıtin bolady» delingen aqparatta.