ShQO-da sýǵa ketken balyqshynyń denesi tabyldy
ÓSKEMEN. QazAqparat – Shyǵys Qazaqstan oblysy Glýbokoe aýdanynda sýǵa ketken balyqshynyń denesi tabyldy, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 11 maýsymda Glýbokoe aýdany Beloýsovka kentindegi sý qoımasynda 1979 jylǵy er adam joǵalyp ketken bolatyn.
Belgili bolǵandaı, azamat dostarymen birge balyq aýlaýǵa barǵan. Biraz ýaqyttan keıin jigitterdiń biri ony joǵaltyp alǵan.
Óz betimen izdep taba almaǵan soń qutqarýshylardan kómek surady.
«Súńgýirler birneshe kún boıy sý qoımasynyń túbin, al qutqarýshylar jaǵalaýdy aralap shyqty. 16 maýsymda Glýbokoe aýdany turǵynynyń denesi 2-3 metr tereńdikten tabyldy», - dep habarlady vedomstvo ókilderi.
Jyl basynan beri óńir boıynsha 8 adam sýǵa ketken.
ShQO TJD bastyǵynyń orynbasary Dmıtrıı Tıtovtyń aıtýynsha, sý aıdyndarynda adam ólimine ákep soǵatyn negizgi sebepter – jabdyqtalmaǵan jerlerde shomylý, júze almaý, óz kúshterin durys baǵalamaý, balalardy qaraýsyz qaldyrý jáne mas kúıde sýǵa túsý.
