ShQO-da sýǵa batyp bara jatqan adamdy qutqarǵan oqýshylar marapattaldy
ÓSKEMEN. KAZINFORM — Shyǵys Qazaqstan oblysynda Serebrıansk qalasynda sýǵa batyp bara jatqan adamdy qutqaryp qalǵan № 4 orta mekteptiń muǵalimi men oqýshylary marapatqa ıe boldy.
ShQO tótenshe jaǵdaılar departamenti baspasóz qyzmetiniń málimetine súıensek, oqıǵa maýsym aıynyń ortasynda Buqtyrma kentindegi demalys oryndarynyń birinde bolǵan.
— Shomylyp júrgen jigit kenet sýǵa bata bastady. Buny Serebrıansk qalasynyń № 4 orta mektebiniń oqýshylary baıqap qalǵan. Olar abdyrap qalmaı, eresektermen birge dereý kómekke júgirdi. Qutqarýda muǵalim Berik Turqanov erekshe ról atqardy. Sý kóligin paıdalanǵan ol jábirlenýshini jaǵaǵa jedel jetkizip, alǵashqy medıtsınalyq kómek kórsetti, — delingen aqparatta.
Erjúrektik pen belsendi azamattyq ustanym tanytqan muǵalim men oqýshylar Nurtilek Jamıev, Sabyr Berik departament basshylyǵynyń Alǵys hattarymen jáne estelik syılyqtarmen marapattaldy.
Eske salsaq, osyǵan deıin ShQO-da polıtseıler jolda densaýlyǵy nasharlap, ınsýlt alǵan azamatty qutqarǵany habarlanǵan.
