ShQO-da sýdaǵy qaýipsizdik sharalaryn saqtamaǵan 3 adam ákimshilik jaýapkershilikke tartyldy

ÓSKEMEN. KAZINFORM – Shyǵys Qazaqstan oblysynda demalýǵa arnalǵan 25 jer ýchaskesi, shomylýǵa tyıym salynǵan 74 oryn jáne shaǵyn kólemdi kemelerde júzýge tyıym salynǵan 29 oryn anyqtaldy.

Tótenshe jaǵdaılar mınıstrliginiń málimetinshe, ShQO TJD qutqarýshylary polıtseılermen jáne eriktilermen birlesip sý aıdyndarynda profılaktıkany jandandyrǵan.

Atap aıtqanda,  osy kezge deıin 458 reıd júrgizilgen. Sondaı-aq 3 adam sýdaǵy qaýipsizdik sharalaryn saqtamaǵany úshin ákimshilik jaýapkershilikke tartyldy. 

Reıdke qatysýshylar olardyń negizgi mindeti – Qaýipsiz demalys máselelerine nazar aýdarý ekenin eske salady.

Buǵan deıin Pavlodarda kanalǵa shomylýǵa barǵan jasóspirim sýǵa batyp ketkenin habarlaǵan edik.