ShQO-da sýdaǵy qaýipsizdik erejelerin saqtamaǵan 90-nan astam adam jaýapqa tartyldy
ÓSKEMEN. KAZINFORM – Shyǵys Qazaqstan oblysynda shomylý maýsymy bastalǵaly beri sýdaǵy qaýipsizdik erejelerin saqtamaǵan 90-nan astam adam jaýapqa tartyldy.
Bul týraly ShQO TJD bastyǵynyń orynbasary Ishar Savazov málim etti.
- Oblys aýmaǵynda shomylatyn 23 ýchaske bar. Qutqarýshylar jaǵalaılardy aralap, azamattarǵa túsindirý jumystaryn júrgizýde. Mundaǵy negizgi maqsat - ákimshilik jaýapkershilikke tartý emes, sýdaǵy jazataıym oqıǵalardyń aldyn alý jáne adamdardyń ómirin saqtaý. Shomylý maýsymy bastalǵaly beri Shyǵys Qazaqstanda 8 adam sýǵa batty. Barlyq qaıǵyly jaǵdaı shomylýǵa jabdyqtalmaǵan jerlerde bolǵan, - dedi ol.
Qutqarýshylar azamattardy tek jabdyqtalǵan jaǵajaılarda demalýǵa, balalardy qaraýsyz qaldyrmaýǵa, mas kúıde sýǵa túspeýge shaqyrdy.
Júrgizilip jatqan profılaktıkalyq jumystarǵa qaramastan 91 adam QR ÁQBtK-niń 412-baby boıynsha ákimshilik jaýapkershilikke tartyldy.
Eske salsaq, osyǵan deıin elimizde sýǵa shomylý maýsymy bastalǵaly sý aıdyndarynda 68 adam, onyń ishinde 24 bala sýǵa batqany habarlanǵan.
