ShQO-da sýbsıdııa qaryzy 6,2 mlrd teńgege jetti
ÓSKEMEN. QazAqparat - Ótken jyly shyǵysqazaqstandyq sharýalarǵa 6,2 mlrd teńge sýbsıdııa tólenbeı qalǵan. Bul týraly aýyl sharýashylyǵy basqarmasynyń basshysy Asqar Jaqypbaev ákimdik májilisinde aıtty, dep habarlaıdy QazAqparat tilshisi.
Ótken jyldyń qorytyndysy boıynsha, qomaqty ósim kórsetken úsh salanyń biri - aýyl sharýashylyǵy. Oblystyń jalpy ishki ónimi 3,5 trln teńge bolsa, sonyń 506,7 mlrd teńgesin agrarlyq sala bergen. Alaıda jyl boıy tynymsyz eńbek etken sharýalar tıesili sýbsıdııalaryn ala almaı júr.
«Oblystaǵy aýyl sharýashylyǵy taýaryn óndirýshilerdiń iskerlik belsendiligi 2018 jyly mal sharýashylyǵyn damytýǵa arnalǵan sýbsıdııalar boıynsha 6,2 mlrd teńge bereshekke ákelip soqty. Ol 2019 jylǵa arnalǵan qarajat esebinen tólenbek. Aǵymdaǵy jylǵa sýbsıdııalaýǵa jalpy qosymsha qajettilik ótken jylǵy bereshekti qosa eseptegende 10,0 mlrd teńgeni quraıdy» - dedi basqarma basshysy Asqar Jaqypbaev.
