ShQO-da sý tasqynynyń aldyn alý boıynsha qarqyndy jumystar júrgizilýde
ÓSKEMEN. QazAqparat - Qazaqstan Respýblıkasy Tótenshe jaǵdaılar mınıstriniń nusqaýy boıynsha Shyǵys Qazaqstanǵa kelgen Qaraǵandy oblysy №52859 áskerı bóliminiń kúshteri men quraldary toby qazirgi ýaqytta Kókpekti aýdanyndaǵy Samar aýylynda jáne Altaı aýdanynda birden 2 sý tasqyny qaýpi bar aımaqtarda sý tasqynyna qarsy jumystardy júrgizýde, dep habarlaıdy QazAqparat .
Quramynda 50 adam bar jeke quram jergilikti atqarýshy organdarǵa jáne halyqqa qardy tazalaý, aryqtar men sý ótkizý qurylystaryn tazalaý boıynsha belsendi kómek kórsetýde. Bul týraly QR TJM resmı ókili Talǵat Ýálı málim etti.
Altaı aýdanynda áskerıler Vtorýshenskıı kanalynda muz kesý jumystaryn júrgizdi, mundaǵy muz qalyńdyǵy 1,5 metr, sondaı-aq 60 metr sý ótkizý qubyrlary men 400 metr sý burý arnalary tazalandy, jeke turǵyn úı sektorynyń aýla aýmaqtary qardan tazartyldy, ınertti materıaly bar 100 qap tóseldi. Jeke quram Jergilikti toǵan - jınaǵyshtaǵy jáne Buqtyrma jáne Hamır ózenderindegi sý deńgeıin monıtorıng jasaýǵa jumyldyrylǵan.
Kókpekti aýdanynda «Marınogorka-Jýmba» avtojolynyń boıynda №52859 áskerı bólimi qar men muzdan 60 metr jáne 84 metr sý ótkizý arnalarynyń arnasyn tazalaý jumystaryn uıymdastyrdy.
