ShQO-da sý tasqynyna daıyndyq jumystary qazirden bastalyp ketti
ÓSKEMEN. QazAqparat – Shyǵys Qazaqstan oblysynda sý tasqynyna daıyndyq jumystary qazirden bastaldy, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, kóktemde eldi mekenderdi sý basyp, halyq úılerin tastap ketýge májbúr bolyp jatady. Osy rette, sý tasqynyna qarsy sharalardy aldyn ala júrgizýdiń mańyzdylyǵy zor.
Sý tasqynyna daıyn bolý úshin qazirdiń ózinde birqatar shara qolǵa alyndy. Onyń ishinde arnaıy jol kartasynyń talaptary oryndalýda. Byltyr aldaǵy úsh jylǵa josparlanǵan 21 sharanyń jeteýi tolyqtaı iske asty. Qazirgi ýaqytta Katonqaraǵaı, Tarbaǵataı jáne Altaı aýdandarynda 9 shara júzege asyrylýda.
Budan bólek, Óskemen qalasy Ahmer kentindegi Seıfýllın kóshesinde aryq júıesin jaılastyrý jáne Shmelev Log kentinde uzyndyǵy 600 metr naýa jelisin tóseý arqyly aryq júıesin jańartý, Rıdderdegi Chesnokovka ózeniniń túbin tereńdetý jáne jaǵalaýdy nyǵaıtý jumystary júrgizildi.
«Mamandarymyz turaqty monıtorıng júrgizip turady. Jergilikti atqarýshy organ ókilderimen birlesip sý tasqyny qaýpi bar ýchaskelerge birneshe ret tekserý jasaldy. Jalpy oblys boıynsha sý tasqyny qaýpi joıylǵan eldi mekenderdiń sany 15-ke jetti», - deıdi departamenttiń TJ aldyn alý basqarmasynyń bastyǵy Erlan Baltabaev.
