ShQO-da sý tasqyny qaýpine oraı ózenderge tikushaqpen monıtorıng júrgizildi
ÓSKEMEN. QazAqparat – Shyǵys Qazaqstan oblysynda mamandar ózenderge tikushaqpen monıtorıng júrgizdi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar men «Qazgıdromet» RMK mamandary Ertis pen Ýba ózenderindegi jaǵdaıdy tikushaqpen baqylady.
«Ózenderde sý deńgeıiniń kóterilýi baıqalady. Biraq sý qaýipti deńgeıden aspaǵan. Qazir jer-jerde qar jyldam erip jatyr. Óńir aýmaǵynyń qarmen jabylǵan aýmaǵy sońǵy aptalarda 33 paıyzǵa deıin azaıdy. Rıdder qalasynda, Katonqaraǵaı, Borodýlıha aýdandarynda qar jamylǵysynyń bıiktigi 50 sm-den aspaıdy, tek Altaı aýdanynda – 71 sm, - deıdi ShQO TJD tótenshe jaǵdaılardyń aldyn alý basqarmasynyń bastyǵy Alekseı Shtykel.
Semeı qalasy men Altaı, Kúrshim, Borodýlıha, Shemonaıha, Katonqaraǵaı aýdandaryndaǵy muz keptelýi múmkin 19 ýchaskede profılaktıkalyq jarylys jumystary júrgizildi. Osy maqsatta 9,5 tonnadan astam jarylǵysh zat paıdalanylǵan.
