ShQO-da sý tasqyny qaýpi joǵary 7 aýdandaǵy ózenderde muz jarý jumystary júrgiziledi
ÓSKEMEN. QazAqparat – Shyǵys Qazaqstan oblysynda sý tasqynynyń aldyn alý maqsatynda ózenderde muz jarý jumystary júrgizilýde, dep habarlaıdy QazAqparat.
ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha Altaı aýdanyndaǵy Buqtyrma, Turǵysyn, Shemonaıha jáne Borodýlıha aýdandaryndaǵy Ýba, Glýbokoe aýdanyndaǵy Glýbochanka, Úlbi ózenderi, sondaı-aq Úrjar men Kókpekti aýdandaryndaǵy taýdan aǵatyn qar sýy eldi mekenderge qaýip tóndirýde. Osyǵan qaraı búginde tasqynnyń aldyn alý maqsatynda birqatar sharalar qolǵa alynǵan.
«Osy ýaqytqa deıin oblysta 816,5 myń tekshe metr qar shyǵaryldy. 79,6 myń dana ydys-qap, 4,5 myń tonna ınertti materıaldar daıyndalǵan. 7 aýdandaǵy ózenderde muz jarý jumystaryn júrgizý josparlanyp otyr. Qazirde Shemonaıha jáne Borodýlıha aýdandaryndaǵy Ýba ózeninde muz jaryldy», - dep habarlady vedomstvo ókilderi.
