ShQO-da sý tasqynyna qarsy áýeden baqylaý júrgizildi
ASTANA.KAZINFORM - Shyǵys Qazaqstan oblysynda TJM qyzmetkerleri jergilikti atqarýshy organdardyń ókilderimen birlesip «Óskemen – Shemonaıha aýdany – Rıdder – Glýbokoe aýdany – Óskemen» baǵyty boıynsha sý tasqyny jaǵdaıyna áýeden sholý jumystaryn júrgizdi.
Tótenshe jaǵdaılar mınıstrligi málimetinshe, áýeden baqylaý júrgizý úshin Qazaqstan Respýblıkasy TJM «Qazavıaqutqarý» tikushaǵy jumyldyryldy.
ShQO TJD bastyǵynyń orynbasary Amangeldi Ensegenovtiń aıtýynsha, áýeden sholý barysynda taýly aýdandardaǵy qar qorynyń jınalýy baqylaýǵa alynyp, sý tasqyny qaýpi bar aýmaqtarda, sonyń ishinde Shemonaıha jáne Glýbokoe aýdandarynda qar qorynyń kólemi naqtylanyp, sý tasqyny jaǵdaıynyń damý barysyna aldyn ala baǵalaý berildi.
Aıta keteıik, tasqyn sýdy qaýipsiz qabyldaýdy jáne ótkizýdi qamtamasyz etý jónindegi jumystar sheńberinde «Qazsýshar» RMK Soltústik Qazaqstan fılıaly Sergeev jáne Petropavl sý qoımalaryn qosa alǵanda, óńirdiń sý sharýashylyǵy obektilerinde táýlik boıy kezekshilik uıymdastyrdy.
TJM Aqtóbe oblysyndaǵy sý tasqynymen baılanysty jaǵdaıdy tekserdi.