ShQO-da sý tasqyny kezeńine joǵary daıyndyq rejımi engizildi
ÓSKEMEN. KAZINFORM – Shyǵys Qazaqstan oblysynyń aýmaǵynda kóktemgi sý tasqyny kezeńine baılanysty joǵary daıyndyq rejımi engizildi.
Yqtımal tótenshe jaǵdaılardyń aldyn alý jáne jedel áreket etý úshin azamattyq qorǵaý qyzmetteriniń shamamen 3700 mamannan quralǵan kúshi ázirlendi. Daıyndyq sharalary sheńberinde 240-qa jýyq motopompa, qutqarý bólimsheleri men jergilikti atqarýshy organdarǵa tıesili 75 júzý quraly jáne 500-den astam arnaıy tehnıka saqadaı saı tur.
Sonymen qatar 58,7 myń qap, 9957 tonna ınertti materıal jáne 386 tonnadan astam janar-jaǵarmaı qory jasaqtalǵan. Qazirgi tańda eldi mekender aýmaǵynan 258 myń tekshe metrden astam qar shyǵaryldy.
Ózen-kólderdegi ahýal turaqty baqylaýǵa alynyp, táýlik boıy monıtorıng júrgizilip otyr.
Tótenshe jaǵdaılar mınıstrligi turǵyndardy kóktemgi sý tasqynyna aldyn ala daıyndalýǵa shaqyrady. Mamandar aýlany qardan tazalap, aryqtar men sý ótkizý arnalarynyń muzyn ýaqtyly tazalaýdy usynady. Bul erigen sýdyń kedergisiz aǵýyna múmkindik beredi.
Tótenshe jaǵdaı týyndaǵanda 112 biryńǵaı nómirine habarlasý qajet.
Aıta ketelik Shyǵys Qazaqstanda qar kóshkini túsirililgen edi.