ShQO-da sý tartyla bastady
ÓSKEMEN. QazAqparat - Shyǵys Qazaqstan oblystyq tótenshe jaǵdaılar departamenti, oblys boıynsha 136 úı sýdan arylǵandyǵyn, tek 6 úıdiń ǵana sý astynda turǵandyǵyn málim etti.
Qazirgi tańda aýlalar men úılerde, baý-baqsha aýmaqtarynda sý qalmaǵan. Úılerden 34000 myń tekshe metr sý sorǵytyldy.
Osylaısha sý alǵan úılerdiń sany 140-tan asyp otyr. Sonymen birge 180 aýla men 110 saıajaı nysany zardap shekken.
«Aıagóz aýdanynda 260 adam úılerine qaıtyp kirdi. Tótenshe jaǵdaı qyzmeti men Shyǵys óńirlik aeroutqyr qutqarý jasaǵynyń mamandary ózen arnasyn bekitip, káriz qubyrlaryn arshýda. Qutqarýshylar táýliktik rejimde monıtorıng júrgizip otyr» - delingen baspasóz málimetinde.
Al Óskemende 15 adam qaýipsiz jerge jetkizilgen. Olardyń eshbiri úıine qaıtpaǵan, týysqandaryn panalaýda.
Qarǵyn sýdyń jol betine shyǵýy boıynsha 6 oqıǵa tirkelgen. Jol qyzmetiniń ókilderi sý alǵan bólikterge kezekshilik ornatty. Kúrshim-Maraldy jolynyń 39 shaqyrymynda, Omby-Maıqapshaǵaı jolynyń 1321 shaqyrymynda joldy qalpyna keltirý jumystary jalǵasýda.
Ulan aýdanyndaǵy sý alǵan Mamaı batyr aýylynyń turǵyndary jolǵa jaıaý qatynaýda.
Tasqyn kezinde 50 bas jylqy, 125 iri qara, 484 usaq mal qaýipsiz jerge aıdalǵan. Apattyq qutqarý jumystaryna 708 adam, 204 tehnıka, 27 sý sorǵysh quraly jumyldyryldy.
