ShQO-da sý shaıyp ketken jol qalpyna keltirilip jatyr

ÓSKEMEN. KAZINFORM – Shyǵys Qazaqstan oblysynda respýblıkalyq mańyzy bar tasjoldyń sý shaıyp ketken ýchaskesi áli jabyq tur.

Óskemen-Altaı-Úlken Naryn-Katonqaraǵaı-Rahman qaınarlary» tasjolynyń 56-shaqyrymyn qalpyna keltirý jumystary belsendi júrgizilip jatyr. Bul jumystarǵa «QAJservıs» JShS oblystyq fılıaly men «Kurylys Group RK» JShS-niń tıegish, avtogreıder, samosval, ekskavator tehnıkalary jumyldyrylǵan.

— Barlyǵy 3 100 tonna jartas topyraǵy tóseldi. Ýchaskeni tolyq nyǵaıtý úshin qosymsha 2 500 tonnadaı materıal qajet. Ol Osınov asýyn aınalyp ótetin joldy qaıta jańǵyrtý ýchaskesinen jetkizilip jatyr, — deıdi «QazAvtoJol» UK ShQO fılıalynyń dırektory Nurbek Temirhanov.

Jumys táýlik boıy, úzilissiz júrgizilip jatyr. Kólik qozǵalysyn qaıta ashý 16 sáýir kúni saǵat 15:00–ge josparlanǵan.

Eske salsaq, osyǵan deıin Shyǵys Qazaqstanda joldy sý shaıyp ketkeni habarlanǵan.