ShQO-da sý basyp qalǵan avtojol jabyldy
ÓSKEMEN. QazAqparat - Shyǵys Qazaqstanda sý tasqyny saldarynan Shemonaıha-Sekısovka baǵytyndaǵy jol jabyldy, dep habarlaıdy QazAqparat.
Oblystyq jolaýshy kóligi jáne avtomobıl joldary basqarmasynyń aqparatyna súıensek, búgin saǵat 14.00-den bastap «Shemonaıha-Sekısovka» jolynyń 0-20 shaqyrymy aralyǵy barlyq kólikter úshin jabyq. Oǵan óńirdegi sý tasqyny jaǵdaıy sebepshi bolǵan.
«Atalmysh bólikte sý joldyń betine shyǵyp ketken. Jaıylǵan sýdy aýyzdyqtaý úshin barlyq qyzmetter kúsh salýda. Qarǵyn sýdyń betin qaıtarǵansha kólik qozǵalysyna ruqsat joq» - deıdi basqarma mamany Nurbek Turarov.
Illıýstratsııalyq foto
