ShQO-da sý basý qaýpi bar eldi mekenderge 188 ret reıd júrgizilgen
ÓSKEMEN. KAZINFORM – Shyǵys Qazaqstan oblysynda sý tasqyny qaýpi bar kezeńge belsendi daıyndyq júrgizilip jatyr.
Búginde kún kúrt jylyp, qar qarqyndy erı bastaǵan. Óńirdegi azamattyq qorǵaý qyzmetteri joǵary ázirlik rejıminde jumys isteýde.
«Oblysqa Semeı qalasyndaǵy QR TJM 68303 áskerı bóliminen qosymsha 50 áskerı keldi. Olar sý basý qaýpin baqylaýǵa jáne tasqyn bolǵan jaǵdaıda shuǵyl den qoıý úshin Altaı jáne Kúrshim aýdandaryna jiberildi. Sebebi onda eń kóp qar qory tirkelgen. Atap aıtqanda, Altaı aýdanynda qar jamylǵysynyń bıiktigi - 126 sm, taýly jerlerde - 138 sm bolsa, Kúrshim aýdanynda - 100 sm», - delingen ShQO TJD taratqan aqparatta.
Qazirgi ýaqytta jaǵdaı turaqty. Qutqarýshylar sý tasqyny qaýpi bar eldi mekenderge barlyǵy 188 reıd júrgizgen.
