ShQO-da sý aıdyndaryn balyqtandyrý kólemi artady
ShQO Aqparat ortalyǵynyń málimetine súıensek, Shyǵys Qazaqstan balyq sharýashylyǵy basseıni kólemi boıynsha respýblıkada úshinshi orynǵa ıe. Negizinen balyq aýlaý Zaısan kóliniń jáne Buqtyrma sý qoımasynyń jaǵasynda damyǵan. Munda balyq aýlaý kólemi – 93%-dy quraıdy. Keminde 14 jaǵalaýdaǵy eldi mekenderdiń halqy dástúrli balyq sharýashylyǵymen aınalysady.
«Balyq aýlaýdyń negizgi múmkindikteri kóptegen faktorlarǵa baılanysty shektelgen. Bul balyq aýlaýdaǵy basty kedergi. Bıyl óńirde ǵylymı turǵyda qol jetkizýge josparlanǵan 10,2 myń tonna balyq óndirildi. Alaıda, qarqyndy balyq aýlaý kezinde balyqtardyń ózdiginen kóbeıý qabileti buzylady. Sondyqtan balyqtardyń turaqty sanyn azaıtpas úshin popýlıatsııany saqtaý sharalaryn qolǵa alý qajet. Osy maqsatta sý aıdyndaryna shabaq jiberý júrgiziledi», - delingen habarlamada.
Sońǵy jyldary oblysta balyqtandyrý kólemin arttyrý boıynsha jumystar júrgizildi. Kórsetkish 2016 jylǵy 4 mln dana shabaqtan 2019 jyly 10,3 mln danaǵa deıin 2,5 esege artty.
Bıyl balyq jiberý kólemi 17 mln danany qurady. Onyń ishinde tuqy, sazan balyqtary – shamamen 3 mln, rıpýs - 2,6 mln, pelıad - 11,3 mln dana. Gıdroenergetıka, keme qatynasy jáne basqa da kásiporyndardyń balyq jiberý kólemi 721 myń dana tuqy, sazan shabaqtaryn, 30 myńǵa jýyq tuqy, sazan dernásilderin qurady.
Sondaı-aq oblystyq bıýdjet esebinen Buqtyrma sý qoımasyna 10 mln dana pelıad tuqymy jáne Qara Ertis ózenine 4 myń dana sibir bekiresi jiberildi. Jalpy, 2015 jyldan 2020 jylǵa deıin balyqtandyrýdyń jalpy kólemi 54,1 mln dana shabaqty qurady. Negizinen balyqtandyrý tuqy, sazan, aq amýr, rıpýs, pelıad sııaqty baǵaly balyq tuqymdarymen júrgiziledi.
