ShQO-da stýdent qyz alıment tólemegen ákesin sotqa berdi

ÓSKEMEN. KAZINFORM — Shyǵys Qazaqstan oblysynda stýdent qyz ákesinen sot arqyly alıment óndirip aldy.

Ákesinen alıment óndirip alǵysy kelgen qyz Altaı aýdandyq sotyna talap aryz jazǵan. Ol aı saıyn 30 AEK (117 960 teńge) mólsherinde alıment tólep otyrýdy suraǵan. Sebebi qazirgi ýaqytta ýnıversıtet stýdenti ekendigin jáne qarjylaı kómekke muqtajtyǵyn alǵa tartqan.

— Er adam qyzynyń talap aryzymen kelispeı, alıment mólsheriniń tym joǵary ekenin aıtty. Ol óziniń tórt balasyn asyrap kele jatqanyn jáne jalaqysynan qazirdiń ózinde alıment boıynsha aqsha ustalyp jatqanyn túsindirdi. Alaıda jaýapker qyzyna erikti túrde materıaldyq kómek kórsetkeni týraly naqty dálelder keltire alǵan joq, — dep habarlady ShQO sotynyń baspasóz qyzmetinen.

Sot er adamnyń materıaldyq jaǵdaıyn eskere otyryp, alıment mólsherin aı saıyn 10 AEK (39 320 teńge) dep belgiledi. Tólem qyz 21 jasqa tolǵanǵa deıin jalǵasady.

Eske salsaq, osyǵan deıin prokýratýra balalar ortalyǵy tárbıelenýshisine 1,1 mln teńge alıment óndirip bergeni habarlanǵan.