ShQO-da sirińkemen oınaǵan balalardyń kesirinen aýyl turǵynynyń 30 tonna shóbi janyp ketti

ShQO tótenshe jaǵdaılar departamenti baspasóz qyzmetiniń málimetine súıensek, birinshi oqıǵa 7 qazanda Jarsý aýylynda bolǵan. Jer úıdiń aýlasynda 30 tonna pishen otqa orandy.

«Oqıǵa ornyna kelip jetken órt sóndirýshiler birden jalynmen kúresti. Col jerge qutqarýshylar men jergilikti atqarýshy organ ókilderinen 15 adam men traktor tartylǵan. Aldyn ala derek boıynsha órttiń shyǵýyna balalardyń sirińkemen oınaýy sebep boldy», - delingen aqparatta. 

Kelesi kúni Qarabulaq aýyldyq okrýginde ashyq aýmaqta 85 tonna pishen órtendi. Órttiń shyǵý sebebi – otty abaısyz paıdalaný.

Tilsiz jaýmen kúreske órt sóndirýshiler, jergilikti turǵyndar, «Tarbaǵataı Munaı» kásipornynyń jumysshylary men jergilikti atqarýshy organ qyzmetkerlerinen 16 adam men 7 tehnıka jumyldyrylǵan.

Osy rette, qutqarýshylar óńir jurtshylyǵyna jem-shópti saqtaǵan kezde órt qaýipsizdigi erejelerin buzbaı, barynsha abaı bolý qajettigin eskertedi.