ShQO-da sport ardagerleri ózara saıysqa tústi
ASTANA. QazAqparat - Óskemende Sport kúni aıasynda O. Rypakova atyndaǵy Jeńil atletıka maneji men Jekpe-jek saraıynda sport ardagerleri arasynda shaǵyn jarys uıymdastyryldy.
ShQO Dene shynyqtyrý jáne sport basqarmasynyń baspasóz qyzmetiniń habarlaýynsha, ardagerler jarys baǵdarlamasyna sáıkes ústel tennısi, sporttyq júgiris pen doıbydan ózara saıysqa tústi.
Merekelik shara salaýatty ómir saltyn qalyptastyrý jáne halyq arasyndaǵy buqaralyq sportty damytýǵa baǵyttalǵan.
Ústel tennısinen ótken jarysqa 8 ardager qatysty. 56 jastan joǵary jas mólsherinde qatysqan qatysýshylardyń ishinen úzdik tanylǵandar qatary da belgili boldy. Olar: І oryn - N. Kýrıtsyn, ІІ oryn - ıÝ. Danylıak, ІІІ oryn - M. Káńketaev.
Sonymen qatar, sporttyq júristen ótken jarysqa qatysqan sport ardagerleri oblystyq jeńil atletıka federatsııasynyń gramotalary men maqtaý qaǵazdaryna jáne de logotıpi bar estelik syılyqtarǵa ıe boldy.
Aıta ketý kerek, áıelder sporttyq júristen 200 metr qashyqtyqqa jarysqa tússe, erler 400 metr qashyqtyqqa baq synasty. Merekelik sharalar onyń qatysýshylary men kórermenderine kóterińki kóńil-kúı syılady.
