ShQO-da sottalǵandardy eńbekpen qamtý deńgeıi 77%-ǵa jetti
ASTANA. KAZINFORM – Shyǵys Qazaqstan oblysyndaǵy túzeý mekemelerinde eńbekke qabiletti 2 myńǵa jýyq sottalǵannyń 1 475-i jumyspen qamtylǵan, dep habarlaıdy ShQO prokýratýrasy.
Bıyl prokýratýranyń úılestirýimen qylmystyq-atqarý júıesi mekemelerine 9 jańa kásipker tartylǵan. Olar óndiristik ýchaskeler ashyp, sottalǵandar úshin qosymsha jumys oryndaryn uıymdastyrdy.
Nátıjesinde segiz aıdyń qorytyndysy boıynsha sottalǵandardy eńbekpen qamtý deńgeıi 77%-ǵa jetip, 19 paıyzdyq tarmaqqa artqan.
– Sottalǵandar qurylys materıaldaryn, jıhaz, aǵash buıymdary men metall konstrýktsııalaryn óndirýge tartylǵan. Ónim ótkizý naryǵyn keńeıtý maqsatynda qylmystyq-atqarý júıesi mekemelerinde óndirilgen ónim oblys ortalyǵyndaǵy qurylys dúkenderi arqyly bólshek jáne kóterme saýdada satylyp jatyr, – delingen prokýratýra habarlamasynda.
Sonymen qatar №16 jáne №17 mekemelerde jylytylatyn angarlardyń qurylysy aıaqtalyp, olar Shyǵys Qazaqstan oblysy boıynsha Qylmystyq-atqarý júıesi departamentiniń teńgerimine berildi.
Prokýratýra sottalǵandardy eńbekpen qamtý deńgeıin odan ári arttyrý jumystary jalǵasatynyn málimdedi.
Aıta keteıik, Stepnogorda sottalǵandardyń ruqsatsyz júrýine jol bermeıtin júıe iske qosyldy.
