ShQO-da sottalǵandardan aqsha bopsalaǵandar isi sotqa joldandy
ASTANA. KAZINFORM – Shyǵys Qazaqstan oblysynda arnaıy prokýrorlar túzeý mekemesinde sottalǵandardan aqsha bopsalaý faktisi boıynsha qylmystyq istiń tergeýin aıaqtady.
Vedomstvonyń málimetinshe, qylmystyq quqyq buzýshylyq Bas prokýratýra men QR ІІM Qylmystyq-atqarý júıesi komıtetiniń №22 mekemesinde júrgizilgen qadaǵalaý barysynda anyqtalǵan. Osydan keıin is arnaıy prokýrorlardyń óndirisine qabyldanǵan.
Tergeý barysynda 2025 jyldyń shilde-qarasha aılary aralyǵynda krımınaldyq ıdeologııany ustanǵan sottalǵan J. basqa sottalǵan K.-men birlesip, kúsh qoldanamyn dep qorqytý arqyly jańadan kelgen sottalǵan M.-dan «qamqorlyq» kórsetkeni úshin aqsha bopsalaǵany anyqtaldy.
«Arnaıy prokýrorlar kináli tulǵalardyń qylmysqa qatystylyǵyn rastaıtyn jetkilikti dáleldemelerdi jınap, qylmystyq isti sotqa joldady», – dep habarlady prokýratýra.
Glýbokoe aýdandyq sotynyń 2026 jylǵy 29 shildedegi úkimimen aıyptalýshylar Qylmystyq kodekstiń 194-babynyń 3-bóligi boıynsha kináli dep tanylyp, burynǵy jazalarynyń merzimi uzartylyp, bas bostandyǵynan aıyrý jazasyna kesildi.
Úkim ázirge zańdy kúshine engen joq.
Aıta keteıik, ShQO-da 50-den astam sottalǵan adam raqymshylyqqa iligýi múmkin.
