ShQO-da sottalǵandar 400 myń maska tikti

ÓSKEMEN. QazAqparat – Shyǵys Qazaqstanda sottalǵan azamattar pandemııa kezinde 400 myń maska men 642 qorǵanysh kıimin tikti, dep habarlaıdy QazAqparat tilshisi Shyǵys Qazaqstan oblysy boıynsha Qylmystyq atqarý júıesi (QAJ) departamentiniń baspasóz qyzmetine silteme jasap.

Vedomstvo Shyǵys Qazaqstan oblysyndaǵy «Eńbek-Óskemen» RMK nysandarynda jumys isteıtin sottalǵandar pandemııa kezinde polıtsııa, medıtsına qyzmetkerleri, memlekettik organ ókilderi jáne óz týystaryna maska jáne arnaıy qorǵanysh kıimderin tigip, sol arqyly ortaq iske óz úlesterin qosqanyn habarlady.

ShQO boıynsha QAJD áıelder kolonııasynda jazasyn ótep júrgen burynǵy dáriger Dana Dıdarova olardyń osyndaı aýyr kezeńde kómegin tıgizýge tyrysyp júrgenderi týraly aıtyp berdi.

«Qazirgi kezde bizdiń mekemede tigin tsehy óz shtatyn kóbeıtti. Bul qorǵanysh maskalaryn tigý úshin memlekettik tapsyrystyń oryndalýyna baılanysty bolyp otyr. Bul tapsyrmany úlken jaýapkershilikpen oryndap júrmiz. Memleket bizge syıaqy berip, mekeme basshylyǵy gramota, marapattaryn berdi. Men bizdiń mekememizdi de #BІZBІRGEMІZ aktsııasynyń qatysýshysy dep sanaımyn», - dedi Dana.

«QR Іshki ister mınıstriniń tapsyrmasy boıynsha, bizdegi sottalǵandar polıtsııa, medıtsına qyzmetkerlerin jáne óz týystaryn jeke qorǵanysh quraldarymen qamtamasyz etip otyr. Buıym materıaly gıpoallergendi, shańnan qorǵaý qasıeti bar jáne ınfektsııalyq aýrýǵa shaldyǵý qaýpin azaıtady. Bul baǵyttaǵy jumys jalǵasyp keledi», - dep qosyp ótti ShQO boıynsha QAJ departamentinen.