ShQO-da sottalǵan áıelder 22 naýryzǵa oraı 22 kóılek tikti
ÓSKEMEN. QazAqparat – Shyǵys Qazaqstan oblysynda sottalǵan áıelder 22 naýryz – Ulystyń uly kúnine oraı 22 kóılek tikti, dep habarlaıdy QazAqparat tilshisi.
ShQO boıynsha QAJD baspasóz qyzmetiniń málimetine súıensek, OV-156/16 mekemesinde jazasyn ótep jatqandar tolyqtaı jumyspen qamtylǵan. Onyń ishinde 10%-dan astamy – áıelder.
Olar tigin oryndarynda ózderiniń súıikti isterimen aınalysýda. Naýryz meıramyna oraı sottalǵan azamatshalar 22 ulttyq kóılekti arnaıy tikti.
«Bala kezimnen tiginshilikpen aınalystym. Tósegimniń janynda aıaqpen basqaratyn tigin mashınasy bar edi. Segiz jasymnan beri onda qýyrshaqtarǵa arnap túrli zattar tige bastadym. Jalpy, ájem kásibı tiginshi bolǵan adam. Jubaıym ekeýimiz stýdent kezimizde ansamblde halyq bılerin bıledik. Sóıtip, bir kúni ulttyq kostıým tigip kórdim», - deıdi sottalǵandardyń biri.
Óz sózinde ol basyna synaq túsip, temir torǵa qamalǵan sátte de súıikti isin jalǵastyryp júrgenin jetkizdi.
