ShQO-da sottalǵan 80 adam jaza óteý tártibin buzǵany úshin kolonııaǵa jiberildi
ÓSKEMEN. QazAqparat – Shyǵys Qazaqstan oblysynda sottalǵan 80 adam jaza óteý tártibin buzǵany úshin kolonııaǵa jiberildi, dep habarlaıdy QazAqparat tilshisi.
ShQO QAJ departamenti baspasóz qyzmetiniń málimetine súıensek, Úlbi aýdandyq probatsııa qyzmetiniń mamandary esepte turyp jazasyn óteý sharttaryn buzǵan 80-ge jýyq sottalǵandy anyqtady. Olardyń barlyǵyna atalmysh sharttardy saqtamaǵan jaǵdaıda jazasynyń ótelmegen bóligi bas bostandyǵynan aıyrýǵa aýystyrylatyndyǵy jaıly eskertilgen. Tıisti qorytyndy jasamaǵandardyń isi sotqa joldady.
«Probatsııa qyzmetiniń esebinde turǵandar arasynda quqyq buzýshylyqtyń aldyn alý jáne qoǵamdyq oryndarda jasalatyn qylmystarǵa jol bermeý maqsatynda birqatar sharalar qolǵa alynǵan. Belgili bolǵandaı, 80-ge jýyq adam jazany óteý sharttaryn qasaqana buzǵan. Olardyń 75-i kolonııaǵa jiberildi. Al beseýine qatysty is sotta qaralýda», – deıdi aýdandyq bólim bastyǵy Almas Buıratov.
Aıta keteıik, búgingi tańda Úlbi aýdandyq probatsııa qyzmetinde 300-den astam esepte tur.
