ShQO-da sot otandyq dári-dármek óndirýshilerdi qorǵady
ÓSKEMEN. QazAqparat - Shyǵys Qazaqstan oblysyndaǵy Kásipkerler palatasyna «Kelýn-Kazfarm» JShS jáne «Asfarm» JShS ókilderi ózderiniń quqyqtaryn qorǵaýdy talap etip keldi, dep habarlaıdy «QazAqparat» HAA tilshisi aımaqtyq kásipkerler palatasyna silteme jasap.
Olardyń Óskemendegi «Ana men Bala ortalyǵy» jáne oblystyq aýrýhana jáne Rıdder qalalyq aýrýhanasy uıymdastyrǵan memlekettik satyp alý jumystarymen kelispeıtindikteri anyqtaldy.
«Jaǵdaıdy zertteı kele biz dári-dármek satyp alý jumystaryndaǵy talaptardyń buzylǵanydyǵyn anyqtadyq», deıdi sarapshy Isataı Qaıyrǵazy.
Medıtsınalyq mekemelerdiń ókilderi satyp alýdyń erejelerge sáıkes júrgizilgenin dáleldeýge tyrysqanymen, mamandandyrylǵan aýdanaralyq ekonomıkalyq sot «Kelýn-Kazfarm» JShS jáne «Asfarm» JShS múddelerin qorǵaıtyn sarapshynyń dálelderin eskerdi.
Densaýlyq saqtaý mekemeleri is júzinde satyp alýdy otandyq taýar óndirýshilerdi qoldaý jáne kásipkerlik bastamany qoldaý sııaqty qaǵıdattarǵa sáıkes júzege asyrý kerek degen erejelerdi buzǵany anyqtaldy.
Nátıjesinde, dáleldemelik negizderdi zerdeleı otyryp , sot talaptardy qanaǵattandyrý týraly sheshim qabyldady. Satyp alýdyń nátıjeleri jaramsyz dep tanyldy. Sonymen qatar kelisim-shart buzylatyn boldy.
Sot sheshimi áli zańdy kúshine engen joq.
