ShQO-da sot oryndaýshysy 620 mln teńgeni ıemdenip ketpek bolǵan
ÓSKEMEN. QazAqparat - Shyǵys Qazaqstan oblysy boıynsha memlekettik kirister departamentiniń ekonomıkalyq tergeý qyzmeti asa úlken kólemde zańsyz aqsha aýdarymyn jasaǵan jeke sot oryndaýshynyń isin sotqa joldady, dep habarlaıdy QazAqparat tilshisi.
Ekonomıkalyq tergeý qyzmetiniń málimetinshe, jeke sot oryndaýshy qarjy polıtsııasy qyzmetkeriniń atynan D. esimdi azamattyń atyndaǵy esep aıyrysý shotyna salynǵan tyıymdy alyp tastaý týraly jalǵan qujat jasaǵan. Sol arqyly shottaǵy 620 mln teńge sot oryndaýshynyń nusqaýymen jalǵan tulǵanyń shotyna jiberiledi. Quqyq qorǵaý qyzmetiniń ókilderi sot oryndaýshyny 130 mln teńgeni sheship alyp, kóligine tıep jatqan sátinde ustaǵan.
«Qazir zańsyz aýdarylǵan aqsha buǵattaldy. Sot úkimi boıynsha kúdikti 5 jylǵa bas bostandyǵynan aıyrylyp, 10 jylǵa sot oryndaýshysy qyzmetten shettetildi» - delingen ekonomıkalyq tergeý qyzmetiniń málimetinde.
