ShQO-da sot arqyly mektep dırektorynyń orynbasary burynǵy qyzmetine qabyldandy
ASTANA. QazAqparat - Burynǵy mektep dırektorynyń orynbasary M. «Solonovka orta mektebi» KMM-ne jumysq qaıta ornalastyrý jáne májbúrli túrde jumysta bolmaǵan ýaqyty úshin eńbekaqy tóleý týraly talap-aryzy boıynsha Shyǵys Qazaqstan oblysynyń Katonqaraǵaı aýdandyq sotyna júgindi.
Sot mekteptiń ákimshilik-sharýashylyq boıynsha dırektorynyń orynbasary buıryqpen óziniń eńbek mindetterin dáleldi sebepsiz qaıtalap oryndamaǵan nemese qaıtalap tıisinshe oryndamaǵany úshin jumystan bosatylǵanyn anyqtady. Ol jumysty durys uıymdastyrmaǵany úshin, ıaǵnı mektep aýmaǵyn qadaǵalaýsyz qaldyrǵandyqtan qatań eskertý túrindegi tártiptik jazaǵa tartylǵan. Alaıda, mektep dırektory orybasaryn jumystan bosatý týraly buıryqtyń shyǵarylýy men eńbek kelisimshartynyń buzylýyn, jaýapker eńbek zańnamasyn buza otyryp, zańsyz oryndaǵan.
Sot, atalǵan azamattyq isti qaraı kele, Solonovka orta mektebiniń dırektorynyń burynǵy orynbasarynyń jumys ornyna qalpyna keltirý jáne májbúrli túrde jumysta bolmaǵan ýaqyty úshin eńbekaqy tóleý týraly talap-aryzyn qanaǵattandyrdy. Mektep dırektory buıryǵynyń kúshi joıylyp, azamat M., jumysqa qaıta ornalastyryldy. Oǵan qosa, sot jumys berýshiden azamat M-nyń paıdasyna amalsyz bos júrgen ýaqyttaryna eńbekaqy óndirdi. Sheshim zańdy kúshine engen joq.
