ShQO-da sońǵy úsh kúnde 17 ret shóp órtendi

ÓSKEMEN. QazAqparat – Shyǵys Qazaqstan oblysynda sońǵy úsh kúnde 17 ret shóp órtenip, qyzyl jalyn jalpy aýmaǵy 213 gektar jerdi sharpydy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirde órt qaýpi joǵary kezeń bastalǵaly beri 171 orman órti tirkelgen. Osynyń saldarynan 504,6 gektar orman alqaby joıylyp ketti. Sondaı-aq kún saıyn shóp janý oqıǵalary oryn alýda.

«20-23 tamyz aralyǵynda 213 gektar aýmaqty sharpyǵan 17 shóp órti boldy.

Qutqarýshylar, ormanshylar, polıtseıler jáne jergilikti atqarýshy organ ókilderi shóp janýynyń aldyn alý sharalaryn turaqty túrde júrgizýde. Turǵyndarǵa saıajaıda ot jaqqanda qaýipsizdik erejelerin buzýǵa bolmaıtyny eskertilýde. Zań talaptaryn saqtamaıtyndar jaýapqa tartylady», - delingen aqparatta.

Aıta keteıik, bıyl QR ÁQBtK-niń 336 jáne 410-baptaryn buzǵan 261 adam ákimshilik jaýapkershilikke tartylǵan.