ShQO-da sońǵy eki jylda zańdy buzǵan 123 laýazymdy tulǵa jaýapqa tartyldy
Oblystyq Prokýratýra osy jyldyń birinshi toqsanynda prokýrorlardyń apellıatsııalyq ótinishteri negizinde azamattyq ister boıynsha 11 sheshimniń kúshin joıǵan. Osynyń nátıjesinde qadaǵalaý organy memlekettik bıýdjetke keltiriletin 144 mln teńgeden astam shyǵynnyń aldyn aldy.
«Atap aıtqanda, prokýrordyń apellıatsııalyq ótinishhaty boıynsha óńirdegi JShS-lardyń biriniń paıdasyna memleketten 70 mln teńge óndirý týraly sot sheshimi buzyldy. JShS ókilderi ózderiniń talap-aryzynda memlekettik satyp alý kelisimsharty boıynsha shartta kórsetilgen jumystar kóleminiń ulǵaıǵanyn aıtyp, soǵan baılanysty atalǵan somany óndirip berýdi suraǵan. Biraq kórsetilgen qosymsha jumystar boıynsha burynǵy shartqa ózgerister engizilip, talapkerge kelisim boıynsha qosymsha soma berilgeni anyqtaldy. Osylaısha, shart boıynsha somany taǵy da ulǵaıtýǵa esh negiz bolmaǵan», - delingen ShQO Prokýratýrasy baspasóz qyzmeti taratqan aqparatta.
Budan bólek, memlekettik organdar tarapynan zań talaptaryn buzý faktileri de nazardan tys qalmaýda. Naqty aıtqanda, sońǵy eki jylda 123 laýazymdy tulǵadan sot isterin qaraý barysynda buzýshylyqtar anyqtalǵan. Olardyń barlyǵy ákimshilik jaýapkershilikke tartyldy.