ShQO-da sońǵy bes jylda 13 myńnan astam adamǵa kásipkerlik negizderi oqytyldy

ÓSKEMEN. QazAqparat – Shyǵys Qazaqstan oblysynda «Bastaý Bıznes» jobasy aıasynda 13 myńnan astam adamǵa kásipkerlik negizderi oqytyldy, dep habarlaıdy QazAqparat tilshisi.

ShQO Kásipkerler palatasynyń dırektory Qaırat Mamyrbaevtyń málimetine súıensek, bıyl «Bastaý Bıznes» jobasynyń iske asyrylyp jatqanyna 5 jyl toldy. Osy jyldar ishinde óńir boıynsha 13 116 adam kásipkerlik negizderin oqyp shyqty.

Búginde olardyń 25%-dan astamy óz kásibin ashqan. 2 905 adamǵa jeńildikpen nesıe berilse, 4 097 azamat qaıtarymsyz grant aldy. 2021 jylda atalǵan joba aıasynda 1 944 adam kásipkerlik negizderin oqydy.

Bıznes ókilderine servıstik qyzmet kórsetýge qatysty aıtar bolsaq, osy jyldyń 11 aıynda kásipkerlerge Óskemen men Semeı qalalaryndaǵy palata ortalyqtarynyń ókilderi 1 400-den astam qyzmet kórsetti. Osy baǵyttaǵy jumystar aldaǵy ýaqytta da jalǵasyn tappaq», - dedi Qaırat Mamyrbaev.