ShQO-da sońǵy bes jylda qońyr aıý sany 27%-ǵa kóbeıdi
ÓSKEMEN. KAZINFORM — Shyǵys Qazaqstan oblysynda qońyr aıýlardyń popýlıatsııasy aıtarlyqtaı ósken. 2022 jyly óńirde 2 977 aıý tirkelse, 2026 jylǵy olardyń sany 3 787-ge jetken.
ShQO orman sharýashylyǵy jáne janýarlar dúnıesi aýmaqtyq ınspektsııasynyń málimetinshe, 2025 jyly qońyr aıýlardyń eldi mekender mańynda júrýine baılanysty 39 ótinish túsken. Al 2026 jyldyń basynan beri mundaı habarlamalar sany 47-ge deıin artyp otyr.
— Aıýlardy kórgeni týraly habarlamalar kóbine Rıdder qalasy men Altaı aýdanynan túsedi. Máselen, Rıdderde ótken jyly osyndaı 23 jaǵdaı tirkelse, bıyl 22 jaǵdaı bolǵan. Al Altaı aýdanynda kerisinshe, kórsetkish 11-den 20-ǵa deıin ósken, — delingen aqparatta.
2026 jyldyń basynan beri oblystyq tabıǵı resýrstar basqarmasyna qarasty orman jáne ańshylyq sharýashylyǵynyń jedel áreket etý jasaǵyna jabaıy janýarlardyń, sonyń ishinde aıýlardyń eldi mekender mańynda júrgeni týraly barlyǵy 78 ótinish kelip túsken.
Statıstıkalyq málimetter aımaqtaǵy qońyr aıýlar sanynyń sońǵy jyldary ósip kele jatqanyn kórsetedi. Atap aıtqanda, 2023 jyly olardyń sany — 3 260, 2024 jyly — 3 113, 2025 jyly — 3 296 bolǵan. Al 2026 jylǵy esep nátıjesinde 3 787 aıý tirkeldi.
Eske salsaq, osyǵan deıin Kólsaıda Qyzyl kitaptaǵy sırek aıý kameraǵa túsip qalǵany habarlanǵan.
